Festival da Polka en Mosteiro

Queremos invitarvos ao Festival da Polka, o sábado 5 de setembro, en Mosteiro (concello de Pol). Moi pretiño de Lugo.

ReciclArte e tallerdepolo estaremos alí cun posto, na feira de artesanía que acompaña ao festival.

Haberá actividades, títeres, teatro, xogos tradicionais e música todo o día, asi que a diversión está asegurada.

Vide!

Feiras en Coruña e Gondomar

Esta fin de semana repartímonos entre o Mercado de Visións, na zona vella da Coruña, e a Feira de Artesanía e a Cervexa Artesá en Gondomar.
A pena foi que o tempo non acompañou (xa case non nos lembrabamos de como era unha treboada...) pero sustituímolo por calor humano.
Moitas grazas a todas e todos os que nos animades con comentarios tan positivos sobre o noso traballo. Encantadas de que vos guste!

Feira na Ponte de Louzara

Un ano máis ReciclArte e tallerdepolo estaremos na Feira da Ponte de Louzara, o vindeiro luns 17 de agosto, compartindo con amigos e amigas e boas artesás, un día de carballeira e disfrutando desa paisaxe inigualable e algo de música, grazas aos esforzos de Lola, sempre tan organizadora.
Vémonos alí!

De Pardiñas a Begonte!

...e despois de Pardiñas, imos a Begonte o vindeiro sábado 8 de agosto. De festival en festival a divertirse toca!


Vide! Pasaremos un día de campo estupendo, con baño incluído, ou mellor aínda baixada en canoa polo río, e por suposto noite de música!
Estará o grupo de fiandeiras de Lugo, Bolboreta Fiandeira, e moitos outros amigos.
Esperámosvos!

Para que poidades ver o que atoparedes no noso posto, deixámosvos unhas fotos do de Pardiñas: con novos deseños de libretas, broches, acuarelas, cerámica e luvas. Esperamos que vos gusten.