Plataforma Ben Mercado

Agora podes atopar algúns dos nosos produtos, así como moitos outros de produtoras, artesás e artistas galegas/os, na plataforma Ben Mercado, unha tenda virtual vinculada á Economía Social Galega, un lugar no que poder facer o teu consumo consciente.

ReciclArte, tallerdepolo e outras artesás xuntámonos na asociación As Espigadoras. Así é como nos atoparás na plataforma Ben Mercado.
As Espigadoras é unha asociación para a promoción da arte e a artesanía, os saberes tradicionais, a reciclaxe, etc. Pretende fomentar relacións respectuosas co medio ambiente e as persoas. Mostramos o noso traballo tanto en forma de produtos como de obradoiros de aprendizaxe.

ReciclArte con Lugo Xusta e Solidaria

O vindeiro sábado 13 de maio celebraremos o Día Internacional do Comercio Xusto xunto con todas as amigas e amigos da rede Lugo Xusta, que organizan toda unha semana de interesantísimas actividades.
Participaremos na feira que se celebrará na Praza Maior de Lugo durante todo o día do sábado, como As Espigadoras, unha asociación da que forman parte, entre outras, ReciclArte, tallerdepolo e Cestería Viva, e que pretende fomentar a arte e a artesanía e recoller saberes tradicionais en torno a ela, así como contribuír a un coñecemento máis respectuoso coa natureza, as persoas e a vida.
Esperámosvos alí!
Haberá actividades e diversión durante todo o día!

Contos persoalizados

Se queres que regalar un conto sexa algo máis especial, podemos poñerlle á/ao protagonista o nome da nena ou do neno a quen llo queiras regalar.

Podes elixir calquera dos contos que temos protagonizados por unha nena e adaptarémolo.

Consúltanos o que queiras:  reciclarte.lucia@gmail.com