que siiiiiii!

Que si!
que xa empezou a feira de artesanía en lucus agusto....
que si!
que se chama artenadal...
que si!
que hai moito arte...
que si!
que estamos aí esperándote...
que si!
Que nos vemos alí!

que "polo arte verde" se chama o noso curruncho, compartido entre polo (tallerdepolo),  arte (ReciclArte) e verde, o noso maravilloso compañeiro Angel que fai fermosas kokedamas...

.

 e aqui nos atoparedes con moita ilusión pasando estes días; mostrando, vendendo e tamén aprendendo... con todas as ganas de mellorar e seguir experimentando!
  

Feira Artenadal en Lugo

ReciclArte e tallerdepolo estarán na Feira Artenadal, en Lugo, dende o venres 19 de decembro, que se inaugura pola tarde, ata o domingo 4 de xaneiro, incluido. Estaremos na carpa situada detrás do concello.
Busca o posto Polo Arte Verde e fainos unha visita!

portadas ilustradas ReciclArte

Á hora de propoñerme a tarefa de facer debuxos ou ilustracións para compartir con ReciclArte e , a través dos seus fermosos cadernos, con todos vos, propúxenme divertirme debuxando e xogando coas personaxes... e ó mesmo tempo crear mulleres e nenas activas, que me resultaran atractivas porque fan cousas, simplemente saltar, chorar, ... ou plantar na leira as legumes de tempada....

fronte a ilustracións tenras de mulleres-nenas que quietas e doces semellan esperar, desexaba debuxar persoas facendo ioga baixo a choiva, no monte recollendo setas, pensando... e as que aínda faltan; en calquera actividade da rutina, calquera actividade que ti e máis eu fariamos... ou non.

Lupe e Maruxa naceron inspiradas por unha foto atopada nunha viaxe; esas dúas meniñas tan cativas xuntas da man no mundo este; que tende máis a separarnos que a xuntarnos, pareceume un bo comezo para iniciarme nesta aventura ... o meu desexo é que Lupe e Maruxa compartan moitos xogos, moitas aprendizaxes e vivencias; que non esperen por ninguén para vivilas.

 a foto inspiradora é de Tim Russo, ImagenArte

 www.imagenarte.info

Pois aquí queda este apuntamento: quedades entón invitadas a facer suxestións de actividades, tarefas ou situacións para as nosas personaxes... 

Contacto: reciclarte.lucia@gmail.com

Feira da Reciclaxe en Betanzos

Insertega organiza unha nova Feira da Reciclaxe, esta vez en Betanzos, o vindeiro domingo 7 de decembro.
ReciclArte e tallerdepolo participaremos como en ocasións anteriores.
Esperámosvos alí!

Acuarelas de tallerdepolo

Unha pequena mostra das fantásticas acuarelas realizadas por tallerdepolo, que están a vosa disposición.
Recrean pequenos recunchos e fermosos detalles das nosas vilas.
Podedes velas neste enlace.
Perfectas para un bonito regalo en calquera momento!

Luvas

Temos que coidar ben desas mans coas que tanto nos gusta facer cousas creativas e fermosas...
Nesta época invernal nada mellor para conseguir ese obxectivo que unhas boas luvas de lá tecidas a man.
Están calcetadas en redondo con cinco agullas para que non leven costuras.
Resultan cómodas e abrigosas.





Hai modelos para adultas/os e nenas/os.

 





As fotos só son orientativas. Os modelos cambian en función das lás das que dispoño.
Si queres unhas podes escribirme a reciclarte.lucia@gmail.com e preguntarme polos modelos que te podo ofrecer nese momento.